لــو السهر عــاتب نظر عين يا عيـن
ما يعاتب الإحساس جرح ِ يشبّـه
ولــو الخجل يخجل عــيون المحـبين
ما تخجل حروف الأحبة أحـــبّـه
كتبت لك مــن نزف الأعــماق حـرفين
حرف ً بكى حـزنه وحـرفً لـعبــّه
خــايف ظنونك تأخــذك شك يــاوين
تدرين ما أرضـى عليك المسبّــه
طـبعي وتعرفه زين يــا كــامل الزيـن
تدرك نـــوايا قـلب موج ومصبّــه
وإذا عــلى بــالك مــن أيــام للحين
أشياء تبوح بشيء مـا ينـكتبّــه
أواعــدك والحــرَ وعـــده ترى دين
مـا يصـافحك بـرد الشمال بمهبـّه
يــشرح غمــوض السَر بــوح العناوين
ويجرح خــفايا الــذات رد الأحبة
يـمكن عتب يـمكن خجل يـمكن أي شـين
يـمكن (( تخون حروف موج وتسبّـه ))
